Jio Network Problem : आज देशभरात अनंत चतुर्दशीचा उत्सव जोरदार साजरा केला जात आहे. 10 दिवस बाप्पाची सेवा केल्यानंतर आज अखेर बाप्पााला निरोप देण्याची वेळ आली आहे. मुंबईतील लालबागचा राजा (lalbaugcha raja) मंगळवारी सकाळी विसर्जनासाठी मंडपातून निघाला आहे. दरम्यान, गणपती विसर्जनाच्या दिवशीच सकाळपासून मुंबईत जिओचे सर्व्हर डाऊन झाले आहे.
जिओ मोबाईलचे नेटवर्क डाऊन (Jio Server Down) झाल्यानंतर अनेकांनी सोशल मीडियावर याबाबत आपल्या व्यथा मांडल्या. जिओच्या नेटवर्कवरुन कॉल, मेसेज कोणत्याही प्रकारची सेवा सुरु नाही. याशिवाय, जिओचे इंटरनेटही डाऊन (Jio Server Down) झाले आहे. त्यामुळे जिओचे युजर्स अडचणीत सापडले आहेत. हा बिघाड दुरुस्त होण्यासाठी किती वेळ लागणार, याबाबत जिओकडून अद्याप कोणतेही स्पष्टीकरण देण्यात आलेले नाही.
Jio Network Problem
जिओच्या मोबाईल नेटवर्क सोबत, यूजर्सना जिओचा ब्रॉडबँड सर्व्हर म्हणजेच Jio Fiber वापरण्यात देखील समस्या येत आहेत. सोशल मीडियावर अनेक युजर्सनी ही माहिती दिली आहे की ते अचानक Jio Fiber सेवा वापरू शकत नाहीत.